ئەپڵ کیبۆردە کۆنەکەی کوردی دەگەڕێنێتەوە

هەواڵێکی خۆش بۆ بەکارهێنەرانی ئایفۆنلە گۆڕانکارییەکی نوێدا بۆ سیستەمی کارپێکردنی ئایفۆن، کۆمپانیای ئەپڵ لە وەشانی تاقیکاریی iOS 27.2دا کێشەی کیبۆردی کوردی (سۆرانی) چارەسەر کردووە و شێوازە کۆنەکەی بۆ بەکارهێنەران گەڕاندووەتەوە. پاش ئەوەی لە وەشانەکانی پێشوودا گۆڕانکاری بەسەر ڕێکخستن و شێوازی پیتەکانی کیبۆردی کوردیدا هات و ناڕەزایەتی بەشێکی زۆری بەکارهێنەرانی لێکەوتەوە، لەم نوێکردنەوەیەدا هەردوو بژاردەکە لە بەشی ڕێکخستنەکان (Settings) بەردەست خراون: Sorani Kurdish: شێوازە نوێیەکەی کیبۆردی کوردییە. Sorani Kurdish – QWERTY: کیبۆردە ئاشنا و کۆنەکەیە کە زۆرینەی بەکارهێنەران داوای گەڕاندنەوەیان دەکرد. ئەم تایبەتمەندییە لە ئێستادا لە قۆناغی تاقیکاریدایە (Beta) و لەگەڵ بڵاوبوونەوەی فەرمیی نوێکردنەوەی iOS 27.2 بۆ سەرجەم بەکارهێنەران، هەمووان دەتوانن بە ئارەزووی خۆیان لە بەشی زمان و کیبۆرد لە نێوان شێوازی کۆن و نوێدا یەکێکیان هەڵبژێرن.